Haec pagina emendata est
322
PERSE,
Fœnisecæ crasso vitiarunt unguine pultes;
Hæc cinere ulterior metuas? At tu meus heres,
Quisquis eris, paulum a turba seductior audi.
O bone, num ignoras? Missa est a Cæsare laurus
Insignem ob cladem germanæ pubis, et aris
Frigidus excutitur cinis ; ac jam postibus arma,
Jam Chlamydas regum, jam lutea gausapa captis,
Essedaque, ingentesque Iocat Cæsonia Rhenos.
Dis igitur, genioque ducis centum paria, ob res
Egregie gestas induco ; quis vetat ? Aude ?
Væ, nisi connives. Oleum, artocreasque popello
Largior, an prohibes ? Dic clare ? Non adeo, inquis,
Exossatus ager juxta est ; age, si mihi nulla
Jam reliqua ex amitis, patruelis nulla, proneptis
