30
puellae
Hunc rapiant: quicquid calcaverit hic, rosa fiat
Ast ego nutrici non mando vota; negato,
Juppiter, haec illi, quamvis te albata rogarit. 40
Poscis opem nervis, corpusque fidele senectae:
Esto, age: sed grandes patinte, tucetaque crassa
Annuere his superos vetuere, Jovemque morantur.
Rem struere exoptas caeso bove, Mercuriumque
Arcessis fibra: da fortunare penates, 45
Da pecus, et gregibus foetum. Quo, pessime, pacto
Tot tibi cum in flammis junicum omenta liquescant?
Attamen hic extis, et opimo: vincere farto
Intendit: jam crescit ager, jam crescit ovile,
Jam dabitur, jam jam: donec deceptus, et expes 50
Nequicquam fundo suspiret nummus in imo.
Si tibi crateras argenti, incusaque pingui
Auro dona feram, sudes, et pectore laevo
Excutias guttas, laetari praetrepidum cor.
Hinc ilìud subiit, auro sacras quod vuato 55
Perducis facies: nam fratres inter ahenos,
Somnia pituita qui purgatissima mittunt,
Praecipui sunto: sitque illis aurea barba.
Aurum vasa Numae, Saturniaque impulit cera,
