Haec pagina emendata est
51
lacus fucinus.
Certet quam Peneus vivis praeterfluit undis
Convallis, loca nec tantum iactata poetis.
Prodit ibi limo dulcique uligine gaudens 280
Pinguius et siliquis silvaque virente legumen;
Illic quam mittit milii seges India culmo
Dives arundineo felicibus exit aristis;
Caeruleo vel flore suis ibi mensibus almus
Ridet ager lini, aut tellus incanuit albo
Vellere gossipii, aut lactentia surgere passim
Frumenta, et flavas videas horrescere messes.
Adde tot ordinibus plantaria consita rectis,
Ruricolisque casas, iussosque canalibus imbres
Populea irriguos cursum properare sub umbra,
Exceptura super gravidas magna horrea fruges. 290
