Haec pagina emendata est
49
lacus fucinus.
Ingeminant plausus, reboat plangoribus aether,
Laetitiaque fremunt, ter io clamore canentes
Et quater, Artifices, vos, et te laudibus, Auctor,
Extollunt, patriaeque patres uno ore salutant.
Iam satis undarum exhaustum: miscenda marinis
Fluctibus assuetus facili iam non sua Liris
Flumina fert alveo; nec plurima sufficit unquam 260
Vena perennis aquam rivis satis inde renatis.
En ubi contractam pisces, sua regna, paludem
Et dulci demum senserunt flumine linqui,
Huc illuc nantes (visu miserabile) ferri
Cernis anhelanti similes, ac faucibus undam
