Haec pagina emendata est
29
lacus fucinus.
Omnis clivosis immittitur unda scatebris. 10
Aggeribus sed perpetuis natura paludem
Carceris instar obit, quo plurimus undique septus
Considit, nullamque viam sibi repperit humor;
Interdum sed enim indignatus vincla marinis
Fluctibus assurgit, fremituque exundat, et arva
Informi obducit limo, spemque eripit anni.
Quo tremit Angitiae lucus, tremuere fragore
Marrubiae gentes, marsisque in montibus urbes,
Albaque, Cliternum, Cerfennia, quaeque refuso
Mula lacu nantes prospectant oppida campos. 20
Ultima vim tantam laticis mirata vetustas
Credidit esse deum, templumque sacravit et aram.
