Haec pagina emendata est
9
ornithogonia.
Sulphurea insignis pluma, quo saepe colore
Sole micat propiore, genas suffusa rubentes 50
Lutea Tithoni remeans aurora cubili.
Hic meret aera parens, hoc creti sanguine pulli
Plumarumque decus referent, animumque parentum.
Si vero aurato distinctus colla monili,
Quamvis caeruleus toto sit corpore, vel si
Flavus membra, virens sit tantum vertice et alis,
Non mihi displiceat, vivum modo cetera sulphur.
Non tamen Oceani patriis gens accola silvis
His sparsos visit volitare coloribus unquam;
Gilvus ubique, magis pennas et tergora fuscus, 60
