Fraterno et totam incestabit sanguine terram.
Impia ad arma ciet populos effrena superbos
Libertas, furiale malum, iuga ferre potentis
Indociles domini, templumque thronumque paratos 50
Vertere. Ficta loquor? mihi tellus Itala testis,
Testis Iber, flavique minax gens accola Rhieni,
Civili et toties exundans sequana caede.
Namque tuos ego qui possim exaequare labores,
Urbs quae Riphaeis late dominaris in arvis?
Tune urbs illa Petri[1] felix? pulcherrima rerum
Quae fueras, perculsa metu nunc plena tumultu
Aetna vel Inarime nova fis imposta Typhaeo,
Unde tremor terris, displosus et ignis in auras
Cum tonitru erumpit verrens hominesque domosque. 60
Non semel clapsus, Caesar[2], per tela per hostes
Heu, miserande, cadis flagranti fulmine, nec te
Victrices bello innumerae texere catervae,
Nil prolata iuvat terraque marique potestas.
Nec pariter moriture (sinistra haec omina venti
Discerpant) miseri Patris tibi proderit, Haeres.
Coniurata etenim generi non parcerc regum
Gens to inimica petit, veluti circumfluus aër
Nulli visa, minis nec regia tecta carebunt,
Non igni, nec gorgoneis tibi mensa venenis. 70
Heu durum genus, heu nunquam satiata libido
Cacdis! Quid petitis? quae mentem insania turbat?,
- ↑ Pietroburgo.
- ↑ Alessandro II Nikolajewitch Imperatore di Russia assassinato con una bomba nelle vie di Pietroburgo nel 1881.
