|
appellantur. » Justinus rem aliter narrat : Phocaeenses piraticam facientes, « in sinum Gallicum ostio Rhodani amnis devenere[1]. Cujus loci amoenitate capti, reversi domum referentes quae viderant, plures sollicitavere. Duces classis Simos et Protis fuere. Itaque regem Segobrigiorum, Nannum nomine, in cujus finibus urbem condere gestiebant, amicitiam petentes conveniunt. Fortè eo die rex occupatus in apparatu nuptiarum Cryptis filiae erat, quam, more gentis, electo inter epulas genero, nuptum tradere illi parabat. Itaque cùm ad nuptias invitati omnes processissent, rogantur etiam Graeci hospites ad convivium. Introducta deinde virgo cum juberetur à patre aquam porrigere ei quem virum eligeret, tunc omissis omnibus, ad Graecos conversa, aquam Proti porrigit : qui factus ex hospite gener, locum condendae urbis à socero accepit. Condita igitur Massilia est prope ostia Rhodani. »
« Ligures incrementis urbis invidentes, Graecos assiduis bellis fatigabant : qui pericula propulsando in tantum enituerunt, ut victis hostibus, in captivis agris multas colonias constituerent. » Mortuo rege Nanno Segobrigiorum, regno filius ejus Comanus successit, qui à quodam Regulo incitatus, solemni Floraliorum die Massiliensibus insidias exstruxit : quibus patefactis, Massilienses cum
- ↑ Pag. 484.
|
|
