0695A circumsistat. Et si ita evenerit, det fratribus operandi copiam, vel nobis abrumpendae omnis necessitatis constantiam, ne illae litterae negatrices vicariae oris nostri in die judicii adversus nos proferantur signatae signis, non jam advocatorum, sed angelorum.
CAPUT XXIV.
Inter hos scopulos et sinus, inter haec vada et freta idololatriae, velificata spiritu Dei fides navigat, tuta si cauta, secura si attonita. Caeterum inenatabile excussis profundum est, inextricabile impactis naufragium est, irrespirabile devoratis hypobrychium in idololatria: quicumque fluctus ejus offocant; omnis vortex ejus ad inferos desorbet. Nemo dicat: «quis tam tuto praecavebit? exeundum de saeculo erit;» quasi non tanti sit exire, 0695B quam idololatren in saeculo stare. Nihil esse facilius 0696A potest, quam cautio idololatriae, si timor ejus in capite sit. Quaecumque necessitas minor est periculo, tanto comparata. Propterea Spiritus Sanctus, consultantibus tunc apostolis, vinculum et jugum nobis relaxavit, ut idololatriae devitandae vacaremus. Haec erit lex nostra quo expedita, hoc plenius administranda, propria Christianorum, per quam ab ethnicis agnoscimur et examinamur: haec accedentibus ad fidem proponenda (Is., XXXIII; Matth., VII: Phil., III; Luc, X), et ingredientibus in fidem inculcanda est ut accedentes deliberent, observantes perseverent, non observantes renuntient sibi. Viderimus enim si secundum arcae (Gen., VII) typum et corvus et milvus et lupus et canis et serpens in Ecclesia erit, certe idololatres in arcae typo non habetur. Nullum animal in idololatren figuratum est: 0696B quod in arca non fuit, in Ecclesia non sit.
MONITUM.
0695D Hunc ad Scapulam librum, etsi fuerit post susceptum ab Auctore montanismum, omnibus fere confitentibus, exaratus, tamen aliis praecedentibus ante Tertulliani lapsum compositis, tum ob rerum connexionem, tum forsan 0696D ob nonnullam aetatis relationem, uti videre est in dissertatione D. Le Nourry infra afferenda, statim subjiciendum duximus. Edd.
