haec fient. AN. ut modo fiant! GE. fient: me vide.
pater exit: abĭ, dic esse argentum Phaedriae.
vDemipho Chremes Geta
DE. Quietus esto, inquam: ego curabo nequid verborum duit.
hoc temere numquam amittam ego a me quin mihi testis adhibeam.
715quom dem, et quăm ŏb rem dem commemorabō. GE. ut cautust ubi nil opust!
CH. atque ita opu’ factost: et matura, dum lubido eadem haec manet;
nam si altera illaec magis instabit, fors sit an nos reiciat.
GE. rem ipsam putasti. DE. duc me ad eum ergo. GE. non moror. CH. ubi hŏc egeris,
transito ad uxorem meam, ut conveniat hanc priu’ quam hinc abit.
720dicat e͡am dare nos Phormioni nuptum, ne suscenseat;
et magis esse illum idoneum qui ipsi sit familiarior;
nos nostro officio nil digressos esse: quantum is voluerit,
datum esse doti’. DE. quid tua, malum, ĭd refert? CH. magni, Demipho.
non sat[is] ĕst tu͡om te officium fecisse si non id fama adprobat:
