Haec pagina emendata et bis lecta est
XV. Robur et aes triplex.
[Adjectives of the 3rd Declension.]
41. Tum Marcus “ō gentem fortem et admīrābilem Britannōrum!” inquit. “Nam insigne erat facinus quod contrā Rōmānōs, victōrēs orbis terrārum, tam fortiter et nōnnumquam prosperē pugnāvērunt. Nōn mīrum est, sī Rōmānī victōriam reportāvērunt.” Nōs sententiam Marcī comprobāvimus. Sed iam nōna hōra erat, cum Alexander, digitō ad orientem monstrans, “Nōnne nāvēs procul ā lītore spectātis?” inquit. Et patruus meus “Ita est” inquit; “nam illīc est statiō tūta nāvibus. Sed illae nāvēs, ut putō, nāvēs longae sunt ex classe Britannicā; nam pars classis nostrae
Navis Longa Britannica.
