Haec pagina nondum emendata est
NOTITIÆ
VTRIVSQVE VASCONIÆLIBER TERTIVS.
In quo speciatim de Vasconibus Aquitanicis agitur.
Quo tempore ex Hispaniâ in Aquitaniam migrarint Vascones, de plurimis excursionibus ab ipsis in agrum Aquitanicum factis, & de variis ex eo illorum cum Francis dimicationibus.
CAPUT I.
VASCONES olim citra Pyrenæum in Hispaniâ sedes habuisse primo istius operis libro dixi, neque de eo vlla inter doctos controuerfia est. Sed quo tempore inde in Aquitaniam migrauerint, difficilem quæstio hæc habet explicationem: Iosephus Scaliger lib. 1. Auson. lection. cap. 6. Cantabros ait & Vascones, qui antea vltra Pyrenem in Hispaniâ erant, à Messalâ victos, penetrato Pyrenæo, sedes ibi posuisse, vbi Tarbelli sunt; in quo tamen coniecturâ aberrare
