ne tamen innoxium sanguinem profunderet, maiores expensas non faceret, suis parceret, oppidum non deformaret, &, quia hyems asperrima exercitum debilitaret, illud in fidem suam recepit iis conditionibus, ut gregarii milites, gladio tantummodo accincti, album in manu bacillum habentes, oppido exirent: ii qui nuper ex Bonnensi præsidio venerant, & cum iis aliqui præfecti detinerentur, donec Parmensis, quid de iis fieri velit, respondeat.
Interea dum hæc in Belgio fiunt, in Gallia conventus Blæsensis continuatur. Regis autem animus nocte dieque intentus erat,quomodo se à Guisio vìndicaret Metuebat idipsum Guisius: quapropter ad Comitia non venit Displicebat id Regi, qui qua ratione Guisium ad se pelliceat meditabatur. Tandem invento consilio, ut se ab omni suspicione liberaret, novum creat Senatum, sive Concilium: legit duodecim Principes, eosque ex iis potissimum, quibus erat offensior. Cardinalem scilicet Borbonium, Cardinalem Guisium, Ducem Guisium, Ducem Nemourium, Ducem del Boeff, Archiepiscopum Lugdunensem, Alphonsum à Corsa Comitem Termesium, Dynastam Bellegardium, & Dominum de Ogniaco; & duos alios; quorum posterioribus quatuor potissimum
