In Dei nomine, amen. Anno dominice Incarnationis Millesimo ducentesimo octuagesimo octavo, indictione prima, die vigesimo tertio mensis iunii. Ex hoc publico instrumento pateat evidenter, quod Fulcus filius quondam Recuperi de Portinariis, de populo Sancte Margarite de Florentia, hac presenti die porrexit venerabili domino Andree Dei gratia Episcopo Florentino quamdam suam petitionem infrascripti tenaris.
Supplicat vestre Paternitati Fulcus filius quondam Recuperi de Portinariis, de populo Sancte Margarite de Florentia, quod ipse olim extra muros civitatis Florentie, prope ecclesiam Sancti Egidii, edificavit quasdam domos, ad hospitalitatem et substentationem pauperum et egenorum deputandas, sic confinatas: a primo latere, via publica; a secundo, ecclesia infrascripta et domus ipsius ecclesie; a tertio, terra ecclesie
