suo specialiter indictae sunt, animadverti, legibus, statutis,
consuetudinibus, ceterisque contrarijs non obstantibus.
Et primo. Quod Iudices sedere debeant in loco iuris solito, singulis diebus iuridicis non feriatis in honorem Dei ex praecepto Ecclesiae vel Praelati, aut in utilitatem hominum ex dispositione statutorum aut decretorum Sanmarinensis Reipublicae, et in eodem loco congrua hora ferre sententias.
Quod omnes causae sint summariae, et in eis procedatur visa tantum veritate, et non servata forma telae iudiciariae. Quod propterea libellus fieri non debeat solemnis, et si solemnis fuerit conceptus vim habeat dumtaxat simplicis petitionis , neque dici possit ineptus ubi facti substantialia contineat , etiam in modum supplicationis.
Quod reo copia detur huiusmodi petitionis volenti, sumptibus suis, cum termino quinque dierum utilium ad respondendum , et excipiendum : declarantes , generales exceptiones , absque alio, semper oppositas intelligi, et replicatas.
Quod copia exceptionum actori petenti decerni debeat cum termino duorum dierum utilium ad respondendum , et non amplius, et responsione facta, novus terminus partibus dari non debeat ad replicandum, sed replicationes fieri possint cum actis, et productione aliarum scripturarum , quae in procedendo ad ulteriora venirent proponendae.
Quod actor nostrae iurisdictioni non subiectus qui iuris communis, aut statuti dispositione coactus esset praestare fideiussionem de prosequenda lite, et de reficiendis expensis in casum succumbentiae, debeat tanquam forensis, affirmans iureiurando non invenire fideiussorem , admitti ;a<J iuratoriam cautionem , dummodo reconventus non fuerit, quo casu satisdare teneatur iuxta formam iuris communis, aut municipalis. Nisi tamen huiusmodi reconventio affectata Iudici videretur, et propterea dumtaxat ad impediendum actorem ne posset huiusmoai cautionis privilegio potiri.
Quod omnes exceptiones qualescunque sint, et omnia quae ab officio Iudicis manare possent, reservata intelligantur absque alia interlocutoria, in fine litis dccidenda una cum negotio principali, praeter illas incompeteritiae, suspicionis Iudicis, transactionis, litis finitae aut pendentis coram alio Iudice, et mandati. Quibus exceptis, caeterae omnes similes exceptiones reservatae sint, et pro reservatis habeantur.
Quod cognitio incompetentiae aut suspicionis Iudicis pertineat ad generale huius Reipublicae Consilium dumtaxat, et non ad alios.
Quod una aut pluribus oppositis exceptionibu$ non reservatis ut supra, detur terminus quatuor dierum utilium commu-
