De locatione Salis venalis.
Rubrica. LVIII.
Ad conservandos , et augendos redditus Communitatis nostrae volumus, et mandamus quod Domini Capitanei semper, temr pore novae locationis salis venalis, debeant publicari facere per nostrum tubicinem in tribus diversis mercatis, sono tubae praemisso , quod cura vendendi salem , in Terra , et Territorio nostro iuxta capitula conficienda per dictos Dominos Capitaneos, et alios semper deputandos a generali Consilio locabitur offerentibus , et solventibus maius praetium Communitati nostrae cum praefixione diei, et horae dictae locationis faciendae, qua hora adveniente Domini Capitanei existentes in Palatio eorum solitae residentiae ubi ius reddi solet, praesentibus illis , qui curam huiusmodi ambibunt, et affectabunt accenso lumine, sive candela cerae, alta et intelligibili voce per eorum Cancellarium legi facient capitula ab eisdem, et supradictis electis ad id formata, quibus lectis, et factis oblationibus per huiusmodi curam conducere volentes , eam locabunt illi , vel illis , qui maius pretium Communitati, et maiorem quantitatem salis pro singulo bononeno emere volentibus, necnon idoneum fideiussorem, de praedictis observandis , dare promiserint ante extinctionem dicti luminis, et candelae. Inter quas capitula dicti Domini Capitanei, ac alij deputati apponere teneantur, quod dicti conductores salis sint obbligati, infra tres menses, a die locationis inchoandos, eorum impensis, procurare, et obtinere ab Illustrissimo , et Reverendissimo Domino Camerario Sanetae Roraanae Ecclesiae litteras, et Patentes Camerales declaratorias similes alijs iam obtentis ab alijs dicti salis conductoribus , quae sunt in Archivio nostro, et in omnem eventum nunquam se describi facere , vel permittere in quibuscunque libris vendentium eisdem salem pro salinarijs, vel sub nomine salinariorum, et conductorum salis Communitatis Terrae Sancti Marini , sub poena amissionis salariae, et alijs arbitrio Dominorum Capitaneorum, et Consilij statuendis. Et quatenus aliter ab eis factum foret, ultra praedictas poenas, ex nunc prout ex tunc, id totum annullamus, et pro nullo, et infecto, quo ad Communitatem haberi volumus , et mandamus. Volentes quod praedicti conductores salis possint illum emere ubi voluerint , et a quocunque Principe Ecclesiastico , vel Saeculari cum meliori conditione vendente , sed non possint illum vendere forensibus , et nobis non subditis, sub poena ducatorum decem pro qualibet
