summarium, et expeditum. Et praeterea talis Castellanus, durante eius officio , sit liber , et exemptus ab omnibus alijs factionibus personalibus. Finito vero tempore sui officij teneatur
dictam Arcem , et eius bona in eodem statu , quo erant tempore consignationis , Capitaneis dictae Terrae pro tempore existentibus , vel alteri eius successori de mandato Consilij generalis liberam , vacuam , et expeditam restituere , dimittere , et
relaxare.
Et de praedictis omnibus, et singulis observandis , in ingressu eius officij praestabit fideiussorem idoneum arbitrio Dominorum Capitaneorum , et talis fideiussio annotetur per Cancellarium Communis in libris Capitulorum, vel fideiussionum dictae Terrae nostrae.
De electione officio, et mercede custodis Arcis Serravallis.
Rubrica. XLVII.
Eligatur quotannis per suffragia, et balluctas per Dominos Capitaneos , et Consiliarios in primo Consilio generali congregando de mense Aprilis unus vir probus, et fidelis oriundus de Terra, et Territorio nostro in Castellanum Arcis Serravallis, qui sit idoneus, et aptus ad illius custodiam, cuius officium sit, praestito prius iuramento fidelitatis in manibus Dominorum Capitaneorum , dictam Arcem , et eius bona eidem per inventarium consignanda, bene, et fideliter absque dolo, et machinatione de die , et de nocte custodire , et conservare pro Republica , et libertate Terrae nostrae , nec eam ab alio coniiteri vel recognoscere ad usum boni veri, ac fidelis Castellani , et elapso anno eius officij teneatur dictam Arcem liberam, vacuam , et expeditam , et bona praedicta restituere , et relaxare in manibus Dominorum Capitaneorum , vel alterius ad id a Consilio generali deputati , casu quo ipsemet non foret in eo officio confirmatus , et alia facere , acl quae tum de iure communi, et municipali, tum de consuetudine tenetur, vel quae eidem a generali Consilio , et Dominis Capitaneis Terrae nostrae fuerint iniuncta , sub poenis corporalibus , et peCuniarijs arbitrio Consilij praedicti infligendis, attenta qualitate > delictorum. Habeat autem pro eius mercede, et salario libras quinquaginta denariorum sibi persolvendas de semestri in semestre , et in fine cuiuslibet eorum ab exactoribus collectarum Castrorum Serravallis, Faitani, et Montis giardini iuxta solitum. Quod salarium possit etiam augeri , et minui arbitrio Dominorum Capitaneorum , et Consilij, et pariter habeat usum fructum bortorum penes dictam Arcem existentium.. '
