habere a Communitate libras quattuor olei quolibet anno,
videlicet unam in principio cuiuslibet trimestris. Et durante
eius officio debeat dictus Castellanus ipsam Arcem pro Republica, et libertate Terrae Sancti Marini, et pro eius Commune , et Regimine tenere , possidere , et conservare , nec ab alio possit , aut debeat illam confiteri , nec recognoscere , sub
poenis iuris communis, et alijs arbitrio Consilij generalis.
Habebit autem pro suo salario ipse Castellanus libras centum denariorum singulo anno ab ipsomet exigendas a Populo
nostro , vel si maluerit solum libras nonaginta denariorum sibi erogandas de trimestre in trimestrem ab Exactore nostro
generali , qui tali casu tenebitur exigere collectam dicti Castellani impositam per aes , et libram ab universo populo nostro.
Item poterit frui, et uti domibus, et hortis communis sitis in dicta Arce , et extra , et eorum fructus ad eius usum , et utilitatem , ac commodum libere cojivertere , prout ipsi magis placuerit.
Et durante tempore officij dicti Castellani , ipse Castellanus cum tota eius familia erit exemptus a ceteris omnibus oneribus personalibus.
Et a carceratis in suis manibus traditis , pro custodia habebit infrascriptas mercedes, videlicet: in causis criminalibus a qualibet persona forensi grossum unum pro die ac nocte, et a qualibet persona terrigena bononenum unum pro die, ac nocte. In causis vero civilibus a forensibus bononenos duos, et a terrigenis unum pro die ac nocte.
Quae salaria possint etiam moderari a Capitaneis pro tempore existentibus secUndum possibilitatem carceratorum, casu quo forent pauperes. _
Et Domini Capitanei , qui pro tempore fuerint , teneantur reddere ius summarinm sine scriptura, et figura iudicij ipsi Castellano , vel Exactori in exigendo collectam impositam pro eius mercede, et salario.
Et finito eius officio , ad omnem requisitionem Dominorum Capitaneorum vel Consilij generalis ipse Castellanus teneatur dictain Arcem, et eius bona in aequo bono statu, et conditione, in quali recepit dimittere, et relaxare dictam Arcem liberam, vacuam, et expeditam sub poena arbitrio Dominorum Capitaneorum, et Consilij statuenda, et de praedictis omnibus, et singulis observandis , in ingressu eius officij debeat praestare idoneam fideiussionem arbitrio Dominorum Capitaneorum , et talis eius fideiussio debeat annotari per Cancellarium Communis in libro capitulorum, sive in libro fideiussionum praedictae Terrae.
