Pagina:Leges statutae reipublicae Sancti Marini.pdf/30

9

LIB. I.

nominare in Syndicatores diios alios Consiliarios , videlicet unum pro quolibet, aptos, et idoneos, qui non sint affines, nec consanguinei usque in tertium gradum inclusive secundum jus canonicum computandum , Capitaneorum , vel aliorum Officialium, qui stare debent ad Syndicatum. Coram quibus Syndicatoribus sic nominatis, et electis ad bancum juris per octo dies residentibus ad jus unicuique reddendum, et justitiam administrandam, praecedentibus legitimis bannimentis sono tubae per tres dies summarie procedendo tam diebus feriatis quam non feriatis, sed non in honorem Dei, comparere teneantur, et debeant Procurator Fiscalis ad dandum petitiones pro interesse communitatis , prout etiam quilibet alius partij cularis pro suo interesse, vel aliorum. Et primi tres dies ex praedictis octo , sint ad querelas , et petitiones proponendas, alij tres sequentes ad justificandum proposita, et ad rimandum in filtias , et libros dictorum Officialium , in fine eorum officij per dictos Dominos Gapitaneos successores in praesentia eorum, ac Camerarij , et Procuratoris Fiscalis ligandos, et sigillandos, sicque conservandos , excepto libro actorum Civilium, usque ad electionem Syndicatorum , quibus postea sic ligati consignari debeant. Reliqui vero duo dies sint ad expediendum omnino dictum Syndicatum. Volumus enim , et statuimus quod dicti Syndicatores infra terminum octo dierum , inchoandorum a die incepti Syndicatus , teneantur sententiam condemnatoriam , vel absolutoriam protulisse , quibuscumque non obstantibus , alias ipso facto , et sine alia declaratione hominis , Capitanei, et Officiales praedicti sint absoluti, et Syndicatores condemnati in poenam duorum scutorum pro quolibet, prout etiam Procurator Fiscalis in alijs duobus , si praedictas suas instantias in scriptis coram dictis Syndicatoribus tempore debito non fecerit. Cum hoc tamen quod si praedicti Syndicatores ex eo forte quod non forent litterati , vel aliquo alio respectu mallent super dictis processibus a se factis consilium alicujus Doctoris , et Sapientis forensis , possint illos processus transmittere ad consilium illius Doctoris , quem ipsi maluerint eligere cum salario unius scuti impensis Communitatis , dummodo in tali casu infra tempus quindecim dierum a die incepti Syndicatus , et non ultra , sententia per eos omnino feratur sub poenis praedictis , et cetera.