De modo, et forma congregandi Consilium generale sexaginta virorum, et Consilium duodecim, et de poenis ad illa non venientium. Rubrica VII.
Statuimus, et ordinamus, quod si Domini Capitanei Terrae Sancti Marini pro tempore existentes, vel alter eorum voluennt congregare Consilium generale, debeant de mane in aur ora per spatium fere unius horae sonari facere ad longum tribus intermissis, et reiteratis vicibus campanam Arcis maioris per castellanum eiusdem Arcis , et deinde post aliquot horas per campanam Communitatis , sive maiorem existentem in Plebe Sancti Marini sonari facere requestam, sive requisitiOnem more solito , qua pulsata , et praemissa , ut supra , generali monitione voce Plazariorum per vias , et plateas clamantium , quod omnes debeant venire ad Consilium, Domini Capitanei debeant semper per eorum Notarium fieri facere in principio Consiliorum requisitionem omnium Consiliariorum , nominando , et vocando nomina eorum alta , et intelligibili voce , et Consiliarij, qui non adfuerint in Consilio quando per Notarium vocabuntur , et nominabuntur , punctentur , et finito Consilio , vel quando Dominis Capitaneis placuerit, cogantur de facto solvere pro poena paulum unum Papalem , vel ejus valorem integrum , absque aliqua diminutione , et sine alia sententia , et condemnatione Camerario Communis , et hoc pro prima vice , et nisi maior poena per praeceptum , sive monitionem a Dominis Capitaneis, vel eorum Plazarijs esset imposita. Quoniam Capitaneis pro convocando Consilio volumus licere praecipere in scriptis, vel voce Plazariorum singulis Consiliarijs , quod debeant venire ad Consilium sub hora, et poena eis bene visa, et ab ijs^ qui non venerint, poenas impositas, et incursas de facto exigere posse , omni appellatione remota . Possint tamen Domini Capitanei audire justas, et legitimas excusationes non venientium, et illas admittere, vel non, secundum eorum libitum, et voluntatem, salva semper eorum conscientia. Et punctati, quibus excusatio per Dominos Capitaneos admittetur, nullam poenam solvere teneantur, illi vero, quibus excusatio non admittetur, poenam incursam integram solvere cogantur. Si vero punctati comparuerint in eodem Consilio post factam requisitionem , stet in arbitrio Dominorum Capitaneorum an illis velint remittere totam poenam, vel partem ejus , habita consideratione impedimenti , et horae comparitionis. Quod si Domini Capitanei, vel alter eorum vellent convocare Consilium de mane pro aliqua urgenti necessitate Communis , debeant illud modo, et forma praedictis, sonari facere sero praecedenti,
