De Consilio magno, et generali sexaginta virorum nuncupato.
Rubrica. III.
Consilium magnum et generale, nuncupatum sexaginta virorum Reipublicae nostrae Sancti Marini postquam ab Arengo, sive ab universo Populo nostro in eo congregato omnimodam, et supremam auctoritatem , et potestatem , ac imperium obtinuit , semper illud conservavit, Princepsque supremus, ac absolutus, et solus Reipublicae nostrae fuit, adhuc existit, ac Deo dante precibus Beati Marini Protectoris nostri semper erit.
Habet enim ius necis, et vitae, ac bonorum cuiuslibet de praedicta Terra, Comitatu, Districtu, et Iurisdictione, etplenariam, ac absolutissimam potestatem supra leges, et statuta, nec non facultatem eligendi , et creandi Capitaneos, Iudices Appellationum, et ceteros quoscumqne alios Magistratus, et Officiales, collectas, et onera imponendi, et ut uno verbo cetera comprehendantur, habet potestatem faciendi semper quicquid opportunum, et utile pro conservatione antiquissimae libertatis praefatae Reipublicae nostrae sibi videtur.
Consilium magnum, et generale praedictum, ut plurimum, fuit incerti, et multo maioris numeri, quam sexaginta virOrum, licet eo nomine semper nuncupatum fuerit, sicque etiam nunc, et inperpetuum nuncupari volumus et mandamus. Illudque demum redactum, et reductum fuit ad numerum certum, et determinatum, nempe ad numerum sexaginta Consiliariorum specialiter sorte, et per bussolas, et balluctas electorum, et confirmatorum, videlicet quadraginta qui erant , et semper esse deberent de Terra Sancti Marini, Mercatale, et Plagiis, et viginti qui erant, et semper, esse deberent de villis Territorij eiusdem Terrae, quorum oiiicium esset perpetuum, et nisi eorum morte, aut susceptione alicuius ordinis sacri, ut puta Subdtaconatus, vel ab inde supra, vel privatione ob aliquod delictum, finiri non posset.
Quae omnia et singula praesenti statuto confirmamus , et approbamus . - Volentes deinceps Consilium magnum, et generale praedictum semper esse debere numeri praedicti,videlicet sexaginta Consiliariorum, dictumque numerum augeri, vel diminui non posse, nec debere. Immo contrarium in consilio nunquam proponi posse per Dominos Capitaneos, sub poena unius scuti pro quolibet eorum id proponente, et pro qualibet vice, absqua aliqua diminutione, et gratia.
Sed quoniam contingere posset multos Consiliarios quandoquidem fore absentes , et alios infirmos , et aegrotos , ne proficua , et utilia , ac necessaria Reipublicae nostrae ullo unquam impedimento retardari valeant ob defectum non in-
