nere, ut illis auditis per ipsos Dominos Capitaneos possint salubria et condecentia remedia applicari, vel ad Consilium generale deferri secundum negotiorum gravitatem, et qualitatem.
De modo et forma convocandi Arengum , et de poenis ad illud non venientium, vel in eo tumultum concitantium . Rubrica II.
Ut omnibus innotescat quando debeant venire ad Arengum, statuimus quod si Domini Capitanei pro tempore existentes, vel alter eorum, pro necessitatibus Communis voluerint Arengum congregare , debeant per unum ex eorum plazariis sero praecedenti per aliquod spatium temporis, ut puta per quartum unius horae, pulsarefacere ad martellum tribus intermissis et reiteratis vicibus campanam Communitatis, sive maiorem existentem inPlebeTerrae predictae, et similiter mane sequenti per eamdem campanam sonari facere requisitionem , sive requestam more solito, qua pulsata,etpraemissa generali monitione voce plazariorum per vias et plateas, quod omnes debeant ire , vel venire ad Arengum, Domini Capitanei debeant semper per eorum Notarium in principio Arengi heri facere requisitionem, sive requestam, nominando alta et intelligibili voce unum pro domo , et si vocati, vel alius de eadem domo, non adfuerint in Arengo, quando per Notarium erunt vocati et nominati , possint et debeant per ipsos Dominos Capitaneos cogi solvere de facto pro poena Camerario Communis bononenos duos currentes pro quolibet et qualibet vice, sine aliqua diminutione vel gratia , et absque alia sententia vel condemnatione. Possint tamen Domini Capitanei, si voluerint, de eis gratiare punctatos comparentes post factam requisitionem, sive requestam, ante finem tamen Arengi, et non aliter. In convocando vero Arengo pro sententiis criminalibus vel damnorum datorum in eo proierendis et promulgandis, omnes supradictae solemnitates non erunt necessariae . Poterunt enim Domini Capitanei illud cum eius requesta sonari facere de mane pro sero eiusdem diei, quo sententias et condemnationes promulgare voluerint, vel de sero diei praecedentis . Et dummodo duo testes idonei fuerint praesentes in Arengo, illas proferre et publicare, prout latius in alia Rubrica continetur. Et ne seditiosi valeant de eorum inquietudine gloriari, statuimus et ordinamus, quod quicumque in Arengo aliquam seditionem vel tumultum concitaverit,vel aliqua verba contumeliosa dixerit,puniatur de facto corporaliter vel pecunialiter arbjtrio Dominorum Capitaneorum, habita consideratione qualitatis personarum et delicti.
