pupilli substantia perventis, et tam de neglectis, quam de bene, et fideliter administratis secundum formam iuris, et statutorum Terrae Sancti Marini.
Qua ratione sic, ut praefertur, reddita, si reperiretur tutorem bene, et fideliter dicti pupilli negotia gessisse, possit ipse
minor, coram dictis Dominis Capitaneis cum praesentia, licentia, ac consensu dicti curatoris nnem, et quietationem suo tutori facere, et hoc casu ipsi Domini Capitanei suam, et Communis Sancti Marini auctoritatem pariter, et decretum interponere teneantur.
Ubi autem minor suo tutori finem, et quietationem sine praesentia curatoris praedicti, et non reddita ratione, ut supra, quoquo modo fecerit, finis, et quietatio illa nullius sit valoris, vel momenti, etiam si coram Dominis Capitaneis fuerit celebrata, et per ipsum minorem super huiusmodi fine, et quietatione fuerit iuratum.
Immo, praedictis non obstantibus, minor ipse, et eius curator iuris remedijs opportunis ipsum tutorem ad solemniter, ut supra, reddendam rationem, et sibi de neglectis, et ommissis^ et male gestis satisfaciendum, secundum formam iuris, et statutorum Communis Sancti Marini cogi facere possit, nisi aliter quoad praedictam rationem administrationis reddendam per testatores provisum, et ordinatum fuerit.
Quo casu huiusmodi provisio iuxta terminos iuris sibi locum vindicet, et plenam obtineat firmitatem.
Quod filij familias possint in iudicio legitime contrahere non obstante patria potestate.
Rubrica. XVIII.
Statuimus, et ordinamus, quod filij familias, tam masculi, quam fodminae, et quilibet patriae potestati suppositus, maior tamen viginti annis se efficaciter in omnibus contractibus, et ex quacunque causa etiam ipsis filijs familias prohibita obligari possint, et alios sibi obligatos constituere, non obstante Macedoniana, vel alia simili exceptione.
Possintque tam in agendo, quam in se defendendo absque aliquo ipsorum parentum consensu in iudicio legitime comparere.
Ex contractibus tamen ipsorum filiorum, vel aliorum in potestate existentium, vel ex quasi contractibus, et ex rorundem iudicijs sine parentum consensu agitatis nullum
