Pagina:Krueger, Studemund - Gai Institutiones, Berolini, 1877.djvu/58

I §127-130

―― 26 ――

     eo sui iuris fiunt. sed hoc distinctionem recipit; nam mortuo
     patre sane omni modo filii filiaeue sui iuris efficiuntur; mortuo
     uero auo non omni modo nepotes neptesue sui iuris fiunt, sed^[1]
     ita, si post mortem aui in patris sui potestatem recasuri non^[2]
     sunt. itaque si moriente auo pater eorum et uiuat et in potestate^[3]
     patris (sui) fuerit, tunc post obitum aui in patris sui potestate^[4]
     fiunt; si uero is, quo tempore auus moritur, aut iam mor-^[5]
     tuus est aut exiit de potestate (patris, tunc hi, quia in pote-^[6]
     statem) eius cadere non possunt, sui iuris fiunt. §128^{[§ 1]} Cum || au-       pag.34
     tem is cui ob aliquod maleficium ex lege Cornelia aqua et igni
     interdicitur, ciuitatem Romanam amittat, sequitur ut, quia^[7]
     eo modo ex numero ciuium Romanorum tollitur, proinde ac^[8]
     mortuo eo desinant liberi in potestate eius esse: nec enim^[9]
     ratio patitur, ut peregrinae condicionis homo ciuem Romanum^[10]
     in potestate habeat. pari ratione et si ei qui in potestate
     parentis sit, aqua et igni interdictum fuerit, desinit in po-
     testate parentis esse, quia aeque ratio non patitur, ut pere-
     grinae condicionis homo in potestate sit ciuis Romani paren-
     tis §129^{[§ 2]} Quodsi ab hostibus captus fuerit parens, quamuis ser-^[11]
     uus hostium fiat, tamen pendet ius liberorum propter ius
     postliminii, quo hi qui ab hostibus capti sunt, si reuersi^[12]
     fuerint, omnia pristina iura recipiunt; itaque reuersus habe-^[13]
     bit liberos in potestate: si uero illic mortuus sit, erunt qui-
     dem liberi sui iuris; sed utrum ex hoc tempore quo mortuus
     est apud hostes parens, an ex illo quo ab hostibus captus est,^[14]
     dubitari potest. ipse quoque filius neposue si ab hostibus
     captus fuerit, similiter dicemus propter ius postliminii pote-^[15]
     statem quoque parentis in suspenso esse. §130 Praeterea exeunt

     liberi uirilis sexus de parentis potestate, si flamines Diales

---

1. §128. usque ad 13 esse et inde ab 15 pari usque ad 17 esse fere = Inst. 1, 12, 1
2. §129. usque ad 23 potestate et inde a 26 ipse = Inst. 1, 12, 5.

---

1. (nep|te) sue C, neptesque Inst.
2. patris sui potestatem C, potestatem patris sui Inst.
3. uiuit Inst.
4. sui Inst., om. C || fuerint C, est Inst. || (patris) sui potestate C, potestate patris sui Inst.
5. mortus uidetur fere in C fuisse
6. 8 — 9 ( ) suppletum ex Inst.
7. romanam amittat Cⁿ, amittit Inst. || quia Institutionum aliquot libri, qui C et alii libri Inst.
8. tollitur Inst., tollit C || proinde ac C, perinde acsi Inst.
9. potestate Inst., poteste C, conf. C^a pag. 288
10. peregrinae homo condicionis addito asterisco Cⁿ, conf. C^a pag. 312
11. quodsi Cⁿ, si Inst. || seruus Inst., seruo C, conf. C^a pag. 302 inf.
12. quo] quod C (conf. C^a pag. 293 uers. 32), quia Inst.
13. itaque C, idcirco Inst. || reuersus Inst., reuersis C || habebit liberos C, et liberos habebit Inst.
14. quo] quod C, conf. C^a pag. 293 inf.
15. dicemus C, dicimus Inst. || potestatem quoque Cⁿ, ius quoque potestatis Inst.