Pagina:Johannes Kepler - Harmonices Mundi Libri V.pdf/91

Haec pagina emendata est

IO. KEPLERI
Harmonices Mundi
LIBER III.

DE ORTU PROPORTIO-
num harmonicarum, deque
Natura & differentijs rerum
ad Cantum pertinen-
tium.

Proclus Diadochus
Lib:I. Com: in I. Elementorum Euclidis.

Cùm philosophia multas sit complexa facultates, multas & Mathematica;
de una quidem hujus parte Harmonice dicta, deque Numeris
(Harmoniarum principijs creditis) hæc
scribit.
Ad Theologiam præparat Mentis conatus. Nam ea quæ non Initiatis circa veritatem rerum divinatum videntur esse captu difficilia & sublimiora, illa Mathematicis Rationibus demonstrantur esse fida manifesta & sine controversia, per quasdam Imagines. Nam Proprietatum superessentialium evidentiam ostendunt in Numeris: & quæ sint Intellectualium Formarum Potestates, in Ratiocinativis clarum efficiunt. Itaque Plato multa mirabilia de Natura Deorum nos per species institutionem de rebus divinis. Hujus enim generis est universus ille SERMO SACER, & Philolaus in Bacchis, & tota Pythagoræ ratio docendi de Deo.

Rursum ad Moralem philosophiam nos perficit, implantans nostris moribus Ordinem, decentiam & conversationem Harmonicam; tradit etiam, quæ figuræ, quæ Cantilenæ, qui Motus virtutem deceant: qua doctrina etiam Athenæus excoli & perfici vult eos, qui virtutibus Moralibus ab adolescentia datui sunt operam. Quin

etiam proportiones Numerorum, virtutibus familiares, explanat, alias
quidem arithmeticas, alias Geometricas, alias Harmonicas:
ostendit & Vitiorum Excessus Defectusque, quibus
omnibus dirigimur ad mediocritatem Mo-
rum, & decentiam.