Vox Activa est domina, ego sum serva; illa me increpat, ego ab illa increpor; illa me verberat, ego ab illa verberor.
Puer. Altera vestrum est stulta, altera iniusta. Neutra maiorem habet potestatem. Utrique est eadem potestas. Utraque eandem rem significare potest. Nihil discrepat inter: "Romani Caesarem necant" et "Caesar a Romanis necatur".
Species I. Nihil discrepat! O scelestum puerum! Verberabo te!
Species II. Tu ab ilia verberaberis.
Species I. Caedam te!
Species II. Tu ab ilia caederis.
Species I. Posces auxilium. Omnes te audient.
Species II. Tu ab omnibus audieris.
Species I. Lacero te!
Species II. Ab illa laceraris.
Puer. [expergiscitur.] Quale somnium! Nimis heri grammaticae studebam. Ad multam noctem vigilavi. Hinc illae species! Nunc surgam, et dum surgo pensum iterabo.
Vox Passiva.
Tempus praesens.
vocor, vocaris, vocatur, vocamur, vocamini, vocantur.
tangor, tangeris, tangitur, tangimur, tangimini, tanguntur.
Tempus futurum.
vocabor, vocaberis, vocabitur, vocabimur, vocabimini, vocabuntur.
tangar, tangeris, tangetur, tangemur, tangemini, tangentur.
