Ars grammatica.
Tempus futurum et perfectum.
I
pulsavero, pulsaveris, pulsaverit, pulsaverimus, pulsaveritis, pulsaverint
II
sedero
etc.
III
surrexero
etc.
IV
aperuero
etc.
Caput 15. Iter aerium.
Daedalus. Ecce, pennas perfeci binas. Tu, fili, apta meas meis umeris, et ego tuis tuas aptabo.
Icarus. Sed ubi est cera?
Daedalus. Humi est, prope ipsas pennas.
Icarus. Sed sine igni ceram liquefacere non potero.
Daedalus. O me immemorem! Domi ignem reliqui. Redite, servi, domum et afferte ignem.
Icarus. Affixae sunt pennae. Nunc sum volaturus.
Daedalus. Noli, Icare, soli appropinquare. Si altius volaveris, cera fortasse liquescet, et tu cades. Vola ad orientem.
Icarus. Ut gratum est volare! Quae est urbs illa, mi pater?
Daedalus. Ephesus est. Ephesi est templum Dianae. Ephesum iam advenimus. Nunc Epheso abimus et Miletum procedimus. Mileti habitant philosophi. Nunc vola ad occidentem.
