6. Vos omnes clamatis.
7. Servus regem pugione percussit.
8. Omnes effugiunt.
9. Matrona senilis os dare ieiuno cani properat.
10. Canis osse caret.
Ars grammatica.
Tempus imperfectum.
I
eram, eras, erat, eramus, eratis, erant
II
pulsabam, pulsabas, pulsabat, pulsabamus, pulsabatis, pulsabant
III
sedebam, sedebas, sedebat, sedebamus, sedebatis, sedebant
IV
surgebam, surgebas, surgebat, surgebamus, surgebatis, surgebant
aperiebam, aperiebas, aperiebat, aperiebamus, aperiebatis, aperiebant
Caput 11. De puero qui aegrotat.
Puer qui aegrotat mane e lecto non surgit, neque vestes induit, neque per scalas descendit. Mater ad puerum venit, cui, "Cur," inquit, "e lecto non surrexisti? Cur vestes non induisti?" Cui puer, "O mater," inquit, "aegroto. Ex capite, ex ventre laboro." Deinde mater medicum quaerit; medicus venit et puero, "Linguam," inquit, "mihi monstra." Puer linguam extendit, et medicus, "O te miserum," exclamat, "pessima est lingua; oportet te medicamentum bibere. Medicamentum tibi mittam." Deinde puer dormit, namque nox advenit. Ut Vergilius poeta dicit:
Et iam summa procul villarum culmina fumant, maioresque cadunt altis de montibus umbrae.
