Adde partes vocabulorum omissas.
1. Licetne nobis intrare?
2. Ianitor clientes per vestibulum in atrium ducit.
3. Cauli fortasse non ita viridis est color.
4. Caulem video, duo ova, aliquantulum panis.
5. Nasum digitis comprimit.
6. Domino meo bono civi maledicis?
7. Magna est veritas et praevalet.
8. Bene olet caro.
9. Patronus optimus optimam habet bubulam.
10. Salutator dum in via stat sportulam inspicit.
Caput 7. Ludus.
Magister intrat.
Discipuli. Salve, magister.
Magister. Salvete, discipuli. Habetisne libros et libellos et stilos?
Marcus. [Manum tollit.] Libellum non habeo, magister.
Lucius. Stilum non habeo, magister.
Decimus. Librum non habeo, magister.
Magister. O pueros abominandos! Oportet vos omnia semper vobiscum adferre.
Marcus. Novum libellum, sis, mihi da, magister.
Magister. Tu, Sexte, novum libellum Marco da. [Sextus libellum Marco dat.]
Marcus. Gratias tibi ago.
Magister. Et tu, Quinte, stilum Lucio da. [Quintus stilum Lucid dat.]
Lucius. Gratias tibi ago.
Magister. Et tu, Antoni, librum Decimo da. [Antonius librum Decimo dat.]
Decimus. Gratias tibi ago.
