Haec pagina nondum emendata est

In Dominica Passionis. 73

��AD OFFICIUM NOCT.

��Opprobriis, Jesu, satur, Ligni fatiscens pondere, Ferale, verus Isaac, Mactandus ascendis jugum.

Clavis statim trabalibus Fixus manus, fixus pedes, Sublime terris omnibus Attolleris spectaculum.

In nos o aeterni Patris Incomprehensa caritas ! Insons cruentae Filius Pro sontibus morti datur.

Illo lavari sanguine Opportuit mundi scelus ; Talem severa Numinis Poscebat ira victimam.

Crux debitae nos vinculo Damnationis eximit; Et pacis aeterno ligat Terras polumque foedere.

Qui Filium tradit, Patri, Natoque sit laus victimae : Par sit tibi laus, qui sacram Succendis aram, Spiritus.

�� �