Haec pagina nondum emendata est

Feria III.

Aeterna laus et gloria
Uni sit et trino Deo,
Diffusa per quern cordibus
Fraterna regnat caritas.

AD LAUDES.

Te principem summo, Deus,
Jubes amore diligi :
Tibi secundum protinus
Jubes amari proximum.

Amore fundatam tuo
Communionem respice,
Qua corpus unum plurimi,
Unum cor, una mens sumus.

Illam fides et veritas
Amabili stipant choro :
Obliquus hinc livor procul
Et litis ardor exulant.

Tu, pacis auctor, mutuos
Astringe nexus: da, Pater,
Gaudere fratrum gaudiis,
Da condolere fletibus.

Aeterna laus et gloria
Uni sit et trino Deo,
Qui moris unius sacra
Nos pacis in domo locat.