Haec pagina emendata et bis lecta est
Dominica.
Nil lingua, nil peccet manus,
Nil mens inane cogitet:
In ore simplex veritas,
In corde regnet caritas.
Incoepta dum fluet dies,
O Christe, custos pervigil,
Quas saevus hostis obsidet,
Portas tuere sensuum.
Praesta diurnus ut tuae
Subserviat laudi labor?
Auctore quae te coepimus,
Da te favente prosequi.
Superba ne nimis caro
Menti licenter imperet,
Carnis domet superbiam
Potus cibique parcitas.
Deo Patri sit gloria,
Ejusque soli Filio,
Sancto simul cum Spiritu,
Nunc, et per omne seculum.
Per Hebdomadam.
AD TERTIAM.
O fons amoris, Spiritus,
O sancte donorum parens,
Tuas refusus intimis
Accende flammas cordibus.
