Nativ. S. Joannis. 12,'
Qui creat mundum, sit honos Parenti : Laus tibi compar, Reparator orbis : Aequus amborum sit honos per omne Tempus Amori.
��AD LAUDES,
Nunc suis tandem novus e latebris Prodit Elias, populisque Christum Clamat, exprobrans sua viperinae Crimina proli.
En Deus judex, Deus en propinquat Ventilans fruges : superis recondet Triticum cellis, paleasque diros Tradet in ignes.
Hujus adventu, rigidum superbi Deprimant montes caput; erigantur Vallium passim cava : corrigantur Prava viarum.
wSancte praecursor, date praeco lucis, Excitet somno tua vox inertes; Ut graves olim fugiamus Agni Vindicis iras.
Summa laus Patri, genitoque Verbo : Aequus amborum sit honos Amari, Qui sacrum Christi pugilem potenter Ungit et armat.
�� �
