ILLUSTRISSIMO ET NOBILISSIMO
DOMINO,
D°. JOANNI MAATSUIKER,
GUBERNATORI INDIÆ
Quæ sub ditione est Belgii Fœderati, Dominorumque Nobilissimorum Ordinis Societatis Indicæ Generalissimo.
Circumspicientibus nobis quibus potissimum hos labores nostros in concinnando Horto Malabarico impensos inscriberemus ac offerremus, nemo propiùs, nemo opportuniùs, quam Tu occurris. Illustrissime & Nobilissime Domine, cui illud præstandum erat, non ut Te patronum hujus operis deligamus, verùm ob eas causas, tum quod Tu horum locorum Malabaricorum, in quibus Hortus noster est productus, ac concinnatus, regimen ac administrationem summa cum dexteritatis laude teneas, tum quod rerum novarum & rararum in hisce terris amantissimus sis, tum denique quod nos in hisce locis tanquam in proprio horto casulam aliquam possidemus, nobisque oculos nostros ani-
