Haec pagina emendata est
Si dixi : — « Rides, ait, et Jovis auribus ista
Servas. Fidis enim manare poetica mella
Te solum ; tibi pulcher. » Ad hæc ego naribus uti
Formido, et luctantis acuto ne secer ungui,
— « Displicet iste locus, » clamo ; et diludia posco.
Ludus enim genuit trepidum certamen, et iram ;
Ira truces inimicitias, et funebre bellum.
Vortumnum Janumque, liber, spectare videris,
Scilicet ut prostes Sosiorum pumice mundus.
Odisti claves, et grata sigilla pudico ;
Paucis ostendi gemis, et communia laudas ;
