Haec pagina emendata est
Qui queritur salebras, et acerbum frigus, et imbres,
Aut cistam effractam et subducta viatica plorat,
Nota refert meretricis acumina, sæpe catellam,
Sæpe periscelidem raptam sibi flentis ; uti mox
Nulla fides damnis verisque doloribus adsit ;
Nec semel inrisus triviis attollere curat
Fracto crure planum, licet illi plurima manet
Lacrima, per sanctum juratus dicat Osirim ;
« Credite, non ludo ; crudeles, tollite claudum. »
— « Quære peregrinum, » vicinia rauca reclamat.
Si bene te novi, metues, liberrime Lolli,
Scurrantis speciem præbere, professus amicum.
