Pagina:Horace - Œuvres, trad. Leconte de Lisle, II.djvu/214

Haec pagina emendata est


Jupiter, Augusti laudes agnoscere possis.
Cum pateris sapiens emendatusque vocari,
Respondesne tuo, dic sodes, nomine ? Nempe
Vir bonus et prudens dici delector ego, ac tu.
Qui dedit hoc hodie, cras si volet, auferet ; ut, si
Detulerit fasces indigno, detrahet idem.
— « Pone, meum est, » inquit. Pono tristisque recedo.
Idem si clamet furem, neget esse pudicum,
Contendat laqueo collum pressisse paternum,
Mordear opprobriis falsis, mutemve colorem ?
Falsus honor juvat et mendax infamia terret
Quem, nisi mendosum et medicandum ? Vir bonus est qui
Qui consulta patrum, qui leges juraque servat ;
Quo multæ magnæque secantur judice lites ;
Quo res sponsore, et quo causæ teste tenentur.