Haec pagina emendata est
Ne perconteris, fundus meus, optime Quincti,
Arvo pascat herum, ac baccis opulentet olivæ,
Pomisne an pratis, an amicta vitibus ulmo ;
Scribetur tibi forma loquaciter et situs agri.
Continui montes, nisi dissocientur opaca
Valle ; sed ut veniens dextrum latus aspiciat sol,
Lævum discedens curru fugiente vaporet.
Temperiem laudes. Quid, si rubicunda benigni
Corna vepres et pruna ferant ? si quercus et ilex
Multa fruge pecus, multa dominum juvet umbra ?
Dicas adductum propius frondere Tarentum.
Fons etiam rivo dare nomen idoneus, ut nec
