Pagina:Horace - Œuvres, trad. Leconte de Lisle, II.djvu/208

Haec pagina emendata est


Cœna brevis juvat et prope rivum somnus in herba,
Nec lusisse pudet, sed non incidere ludum.
Non istic obliquo oculo mea commoda quisquam
Limat, non odio obscuro morsuque venenat ;
Rident vicini glebas et saxa moventem.
Cum servis urbana diaria rodere mavis ;
Horum tu in numerum voto ruis. Invidet usum
Lignorum et pecoris tibi calo argutus et horti.
Optat ephippia bos piger, optat arare caballus.
Quam scit uterque, libens, censebo, exerceat artem.



AD C. NUMONIUM VALAM.


Quæ sit hiems Veliæ, quod cælum, Vala, Salerni,
Quorum hominum regio, et qualis via : (nam mihi Baias