Haec pagina emendata est
Cum tu inter scabiem tantam et contagia lucri,
Nil parvum sapias, et adhuc sublimia cures ;
Quæ mare compescant causæ ; quid temperet annum ;
Stellæ sponte sua, jussæne vagentur et errent ;
Quid premat obscurum Lunæ, quid proferat orbem ;
Quid velit et possit rerum concordia discors,
Empedocles, an Stertinium deliret acumen.
Verum, seu pisces seu porrum et cæpe trucidas,
Utere Pompeio Grospho ; et, si quid petet, ultro
Defer ; nil Grosphus nisi verum orabit et æquum.
Vilis amicorum est annona, bonis ubi quid deest.
Ne tamen ignores quo sit Romana loco res :
Cantaber Agrippæ, Claudi virtute Neronis
Armenius cecidit ; jus imperiumque Phraates
