Pagina:Horace - Œuvres, trad. Leconte de Lisle, II.djvu/195

Haec pagina emendata est


Romæ Tibur amem, ventosus Tibure Romam.
Post hæc, ut valeat, quo pacto rem gerat, et se ;
Ut placeat juveni, percontare, utque cohorti.
Si dicet, « Recte : » primum gaudere, subinde
Præceptum auriculis hoc instillare memento ;
« Ut tu fortunam, sic nos te, Celse, feremus. »



AD CLAUDIUM NERONEM.


Septimius, Claudi, nimirum intellegit unus
Quanti me facias. Nam cum rogat, et prece cogit,
Scilicet ut tibi se laudare et tradere coner,
Dignum mente domoque legentis honesta Neronis ;
Munere cum fungi propioris censet amici,
Quid possim videt ac novit me valdius ipso.
Multa quidem dixi, cur excusatus abirem ;