Haec pagina emendata est
Si potes Archiacis conviva recumbere lectis,
Nec modica cœnare times olus omne patella,
Supremo te sole domi, Torquate, manebo.
Vina bibes iterum Tauro diffusa, palustres
Inter Minturnas, Sinuessanumque Petrinum.
Si melius quid habes, arcesse, vel imperium fer.
Jamdudum splendet focus et tibi munda supellex ;
Mitte leves spes et certamina divitiarum
Et Moschi causam. Cras nato Cæsare festus
Dat veniam somnumque dies ; impune licebit
Æstivam sermone benigno tendere noctem.
Quo mihi fortunam, si non conceditur uti ?
Parcus ob hœredis curam, nimiumque severus
Assidet insano. Potare et spargere flores
