Pagina:Horace - Œuvres, trad. Leconte de Lisle, II.djvu/157

Haec pagina emendata est


F u n d a n i u s.

                               Sic, ut mihi nunquam
In vita fuerit melius.

H o r a t i u s.

                                  Da, si grave non est,
Quæ prima iratum ventrem placaverit esca.

F u n d a n i u s.

In primis Lucanus aper : leni fuit Austro
Captus, ut aiebat cœnæ pater : Acria circum
Rapula, lactucæ, radices, qualia lassum
Pervellunt stomachum ; siser, halec, fæcula Coa.
His ubi sublatis puer alte cinctus acernam
Gausape purpureo mensam pertersit, et alter
Sublegit quodcumque jaceret inutile, quodque