Haec pagina emendata est
Apta quadrigis equa ; te bis Afro
Murice tinctæ
Vestiunt lanæ ; mihi parva rura, et
Spiritum Graiæ tenuem Camenæ
Parca non mendax dedit et malignum
Spernere vulgus.
Cur me querelis exanimas tuis ?
Nec dis amicum est nec mihi, te prius
Obire, Mæcenas, mearum
Grande decus columenque rerum.
Ah ! te meæ si partem animæ rapit
Maturior vis, quid moror altera,
Nec carus æque nec superstes
Integer ? Ille dies utramque
