Pagina:Horace - Œuvres, trad. Leconte de Lisle, I.djvu/85

Haec pagina emendata est



Quam nec ferre pedem dedecuit choris,
Nec certare joco, nec dare bracchia
Ludentem nitidis virginibus, sacro
     Dianæ celebris die.
Num tu, quæ tenuit dives Achæmenes,
Aut pinguis Phrygiæ Mygdonias opes,
Permutare velis crine Licymniæ,
     Plenas aut Arabum domos ?
Dum flagrantia detorquet ad oscula
Cervicem, aut facili sævitia negat
Quæ poscente magis gaudeat eripi,
     Interdum rapere occupet.




AD ARBOREM.


Ille et nefasto te posuit di,
Quicumque primum, et sacrilega manu