Pagina:Horace - Œuvres, trad. Leconte de Lisle, I.djvu/82

Haec pagina emendata est



Sperat infestis, metuit secundis
Alteram sortem bene præparatum
Pectus. Informes hiemes reducit
               Jupiter, idem
Submovet. Non, si male nunc, et olim
Sic erit. Quondam citharæ tacentem
Suscitat Musam, neque semper arcum
               Tendit Apollo.
Rebus angustis animosus atque
Fortis adpare : sapienter idem
Contrahes vento nimium secundo
               Turgida vela.




AD QUINCTIUM HIRPINUM.


Quid bellicosus Cantaber et Scythes,
Hirpine Quinti, cogitet Hadria
     Divisus obiecto, remittas
          Quærere nec trepides in usum