Haec pagina emendata est
Premant Calenam falce, quibus dedit
Fortuna, vitem ; dives ut aureis
Mercator exsiccet culillis
Vina, Syra reparata merce,
Dis carus ipsis ; quippe ter et quater
Anno revisens æquor Atlanticum
Impune. Me pascunt olivæ,
Me cichorea levesque malvæ.
Frui paratis et valido mihi,
Latoe, dones, et, precor, integra
Cum mente, nec turpem senectam
Degere, nec cithara carentem
Poscimur. Si quid vacui sub umbra
Lusimus tecum, quod et hunc in annum
