Haec pagina emendata est
Incorrupta Fides, nudaque Veritas,
Quando ullum inveniet parem ?
Multis ille bonis flebilis occidit,
Nulli flebilior, quam tibi, Vergili.
Tu frustra pius, heu ! non ita creditum
Poscis Quintilium Deos.
Quid ? si Threicio blandius Orpheo
Auditam moderere arboribus fidem,
Num vanæ redeat sanguis imagini,
Quam virga semel horrida,
Non lenis precibus fata recludere,
Nigro conpulerit Mercurius gregi ?
Durum ; sed levius fit patientia,
Quidquid corrigere est nefas
Parcius iunctas quatiunt fenestras
Iactibus crebris iuvenes protervi,
