Haec pagina emendata est
Mutare quæro tristia, dum mihi
Fias recantatis amica
Opprobriis animumque reddas.
Velox amœnum sæpe Lucretilem
Mutat Lycæo Faunus et igneam
Defendit æstatem capellis
Usque meis, pluviosque ventos.
Inpune tutum per nemus arbutos
Quærunt latentis et thyma deviæ
Olentis uxores mariti,
Nec virides metuunt colubras
Nec Martiales hæduliæ lupos ;
Utcumque dulci, Tyndari, fistula
Valles et Usticæ cubantis
Lævia personuere saxa.
Di me tuentur, dis pietas mea
