Haec pagina emendata est
Conversis studiis, ætas animusque virilis
Quærit opes, et amicitias, inservit honori ;
Commisisse cavet quod mox mutare laboret.
Multa senem circumueniunt incommoda, vel quod
Quærit, et inuentis miser abstinet, ac timet uti ;
Vel quod res omnis timide gelideque ministrat,
Dilator, spe longus, iners, avidusque futuri,
Difficilis, querulus, laudator temporis acti
Se puero, censor castigatorque minorum.
Multa ferunt anni venientes commoda secum,
Multa recedentes adimunt. Ne forte seniles
Mandentur juveni partes, pueroque viriles ;
Semper in adjunctis ævoque morabitur aptis.
Aut agitur res in scenis, aut acta refertur.
Segnius irritant animos demissa per aurem,
Quam quæ sunt oculis subjecta fidelibus, et quæ
